Вазири корҳои хориҷии Тоҷикистон Сироҷиддин Муҳриддин рӯзи 22 сентябр дар Ню-Йорк бо Ёвари махсуси Президенти Амрико ва Мудири аршад оид ба Русия ва Осиёи Марказии Шӯрои амнияти миллӣ Эрик Грин мулоқот намудааст.
Бино ба хабари ВКХ Тоҷикистон, дар вохӯрӣ ҳолат ва дурнамои муносибатҳои Тоҷикистону ИМА мавриди баррасӣ қарор гирифтанд.
Ҳамзамон ҷонибҳо роҷеъ ба таҳаввулоти ахир дар Афғонистон, аз ҷумла вазъи сиёсию амниятӣ дар ин кишвар табодули назар кардаанд.
