Федератсияҳои футболи Тоҷикистон ва Қазоқистон дар бораи баргузории бозии дӯстона миёни тимҳои миллии ду кишвар ба мувофиқа расиданд.
Дар ин бора сомонаи Федератсияи футболи Тоқикистон хабар медиҳад.
Ба иттилои манбаъ, бозии дӯстонаи тимҳои миллии Қазоқистону Тоҷикистон рӯзи 16-уми ноябр дар варзишгоҳи “Остона-Арена”-и шаҳри Нур-Султон баргузор шуда, соати 19:00 бо вақти маҳаллӣ (18:00 бо вақти Душанбе) оғоз меёбад.
Қаблан дастаҳои мунтахаби миллии Тоҷикистону Қазоқистон чаҳор маротиба бо ҳам бозӣ кардаанд. Футболбозони қазоқ се маротиба пирӯз шудаанд ва як бозӣ бо натиҷаи мусовӣ анҷом ёфтааст.
Мусобиқаи байналмилалӣ
Тоҷикистон – Қазоқистон – 0:1
11 апрели соли 1994, Тошканд.
Бозиҳои дӯстона
Қазоқистон – Тоҷикистон – 4:1
Голи Тоҷикистон: Комил Саидов.
2 июли соли 2006, Алмато.
Қазоқистон – Тоҷикистон – 1:1
Голи Тоҷикистон: Комил Саидов.
8 сентябри соли 2007, Алмато.
Қазоқистон – Тоҷикистон – 2:1
Голи Тоҷикистон: Фарҳод Тоҳиров.
12 августи соли 2014, Алмато.
