Имрӯз, 29 август дар Варзишгоҳи марказии Ҳисор мусобиқаи дуюми «CAFA Nations Cup» таҳти сарпарастии Ассотсиатсияи футболи Осиёи Марказӣ (CAFA) оғоз мегардад, хабар додааст Федератсияи футболи Тоҷикистон.
Дар гурӯҳи «В» дастаҳои мунтахаби Тоҷикистон, Эрон, Афғонистон ва Ҳиндустон рақобат мекунанд. Бозиҳои марҳилаи гурӯҳӣ дар як давр баргузор мешаванд.
Қабл аз оғози мусобиқа дар шаҳри Душанбе бо иштироки намояндагони Ассотсиатсияи футболи Осиёи Марказӣ (CAFA), Федератсияи футболи Тоҷикистон, масъулони мусобиқа ва менеҷерони тимҳои миллии Тоҷикистон, Эрон, Афғонистон ва Ҳиндустон ҷаласа баргузор шуд.
Маросими ифтитоҳи мусобиқаи «CAFA Nations Cup 2025» пеш аз бозии дастаҳои мунтахаби Тоҷикистону Ҳиндустон баргузор мешавад.
